ភ្នំពេញ៖ នៅថ្ងៃទី០៥ ខែកញ្ញា ឆ្នាំ២០២៦ កម្លាំងកងរាជអាវុធហត្ថរាជធានីភ្នំពេញ រួមជាមួយក្រុមយុវជន បានចូលរួមសកម្មភាពវេចខ្ចប់សម្ភារជាអំណោយ ដើម្បីត្រៀមផ្តល់ជូនប្រជាពលរដ្ឋនៅភូមិរង់ចាំ។
សកម្មភាពនេះត្រូវបានរៀបចំឡើងនៅអគារ KAMPUS ដោយមានការចូលរួមយ៉ាងសកម្មពីកម្លាំងសមត្ថកិច្ច និងយុវជន ក្នុងស្មារតីសាមគ្គីភាព និងចូលរួមចំណែកក្នុងសកម្មភាពសង្គម។
អំណោយដែលបានវេចខ្ចប់រួច នឹងត្រូវនាំយកទៅផ្តល់ជូនប្រជាពលរដ្ឋនៅភូមិរង់ចាំ នាថ្ងៃទី១២-១៣ ខែកញ្ញា ឆ្នាំ២០២៦ ខាងមុខ ក្រោមវត្តមាន ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា។
សកម្មភាពនេះបង្ហាញពីការចូលរួមរបស់កម្លាំងសមត្ថកិច្ច និងយុវជន ក្នុងការងារសង្គម និងការចែករំលែកក្តីស្រឡាញ់ សាមគ្គីភាព និងការយកចិត្តទុកដាក់ចំពោះប្រជាពលរដ្ឋ។
